老婆大肚可愛 Look II

話咁快老婆個肚已約有 34 週大，比起三個月時個肚足足大左成個碼，現在個肚似足個波波咁，當老婆急步行時尤其得意，似足收埋個西瓜在肚中偷野走的樣子，好可愛呀！

消毒奶樽煲

今次遇著永安大減價，買左好多BB衫同日用品，消毒奶樽煲就是其中一樣。原來消毒奶樽煲都有好多種品牌，如有 Nuk, Avent, Tommpee ....等。

在我的角度，每個牌子除了外形不同之外，其功能大致上都係 - 放個奶樽入個煲然後蒸十幾分鐘就完成消毒程序，但唔知點解見到某D牌子的價錢會相差幾百蚊。

正當我煩惱買哪個牌子時，有位好心的百貨店員就講以下一句說話：「Tommpee 外國設計但中國製造；Nuk 和 DBK 都係同一間廠造且 made in Germany。」 聽完這段簡短的產品介紹後，我就留意到 Nuk 同 DBK 外形係有九成相似，功能相同，只係顏色和 logo 唔同，但 DBK 就平過 Nuk 大約一百蚊，所以最後以 HK$ 380 買下這個 DBK 消毒奶樽煲。

買完返屋企值到今日才正式開箱試機，感覺上個煲好高身，操作無難度只需按一個 Button 來控制開關，消毒11分鐘後自動關機。I like it !!

老婆大肚可愛 Look

老婆已經懷胎五個月有多，個肚比之前大左又尖左，人地話男B個肚會尖d，原來真係 ga boo ... 現在腹大便便的老婆大人，著上大肚衫時的樣子，有時都幾可愛。

╰（￣▽￣）╭

 

BB 第一次胎動

老婆懷孕期已去到第五個月，昨日終於感受到期待已久的胎動，感覺好似BB在肚裡面玩龜波氣功，動下動下頂住個肚，好神奇 ar !! 可惜我還未 feel 到 .... >_<

High Tea @ 日航酒店

之前買左兩張日航酒店 High Tea 優惠券，Book 左今個 weekend 同老婆大人一齊去食。因為用優惠券的關係，每個人只能夠食指定果 12 款甜品和糕點。在三層架上放著迷利、美味的甜品，係英式 High Tea 的特色，今次終於可以品嘗到。可惜老婆大人對甜品無興趣，只係食左四件就停手，其餘 20 件就要我一人之力清掉 ... 好飽、但好滿足 !!

85%係囝囝!!

昨日同老婆去產檢照超聲波，現在我地阿B已有14週半，盧醫生話阿B都算健康地成長，而且還睇到有粒“的”在兩腳中間位置，估計應該阿B好大機會係囝囝！！我同老婆聽到後都好開心、好興奮呀！！

再做運動！

買左對新 Reebok 跑鞋 ，打算每星期日跑步一次，希望做返多D運動減下肥。直到現在已經跑左三次，由初次6個圈到現在可以跑到10個圈，進度尚算 ok，希望日後可以做到每星期跑兩次，盡快送走大肚腩及練好身子來迎接未來的新成員。

老婆辛苦妳了!

老婆有左就快三個月，在這段期間眼見到老婆日日都作嘔作悶，以前鐘意食的海鮮現在都通通唔想食，就算食到，等一陣間反胃全部嘔出來。再加上鼻敏感發作，一時流鼻水，一時鼻塞，令到老婆更加難受、辛苦、煩燥… 辛苦妳了，老婆 :(

好貴的新皮鞋

今日終於買左對新皮鞋，Gexo 成 HK$ 17xx，好貴呀!! 咁大個人都未買過咁貴的鞋，不過，正如老婆話齋，如果對鞋真係著得舒服、唔腳痛的話，貴D都值得 ... :－)

老朋友返來！

老朋友返來香港，還補送返結緍禮物給我地，好開心！但今次見佢有點殘左，可以想到佢在外國的生活有幾大壓力。阿豪！做野之餘記住要保重身體！